幸圓

營業中

休息中

尋日收工返屋企嗰陣，啱啱好撞到舊同學，就約咗我去幸圓食日西式料理，一邊嘆美食一邊吹水。 我哋叫咗幾道菜⬇️ 【幸圓海膽五色丼】呢個五色丼嘅擺設真係好精緻靚仔！有海膽同三文魚籽，顏色好靚，每一啖都食到淡淡嘅海洋味，特別惹味！再加埋生蛋黃，海膽更加滑溜香甜，每一啖都係味蕾上嘅享受😋【烤香茅椰青西班牙五花腩】金黃色嘅西班牙五花腩脆卜卜，仲帶少少燶香，外脆內嫩，特別爽口！香茅味好香濃同清甜嘅椰青滲晒入五花腩度，口感更加豐富，令人胃口大開😍【魚蝦蟹好多士】鍾意食海鮮嘅朋友一定唔可以錯過嘅魚蝦蟹好多士👍好多士特別脆，入面放咗滿滿嘅蟹肉，仲加埋魚同蝦，簡直就係完美嘅美味享受！【三杯酢廣島蠔】三個超大隻嘅生蠔，蠔肉新鮮好食😋好鮮甜，配埋三文魚籽，入口即溶！仲可以點埋海鹽，咸甜適中，特別鮮美好吃！我哋兩個都食得好飽，仲話下次要繼續嚟呢度繼續探索美食吹水！