景逸軒 (已結業)

5人之晚餐，叫左三個餸，一個羹，加一個炒飯．基本上黎講服務員唔友善，或者因為我地唔係大客，加上又叫得咁平．帶子海皇羹：材料豐富，味道偏濃．蜜汁叉燒皇：推介，果然肉質滑，勁有口感．生啫排骨煲：配以蒜子炒，好入味，排骨又有ｄ軟骨連住好有咬感，送飯一流．老干媽芹香脆蚌片：老干媽係醬汁既名，辣辣地幾開胃．瑤柱蛋白炒飯：普普通通既一個炒飯，不足一提．生果拚盤：好唔願意之下送俾我地食，西瓜唔係真係甜（浸左糖水），密瓜完全無味，火龍果都係麻麻架喇！