小城鎮 (已結業)

餐廳以火車為主題，佈置充滿歐陸舊城鎮既風味。酥皮海鮮忌廉湯酥皮好香，海鮮湯有蝦肉同蜆肉，幾值得一試。蟹棒粟米蛋粒沙律配自家製沙律醬沙律比想像中大碟，用料夠哂豐富。美國辣肉腸比薩Pizza餅皮偏薄身，上面佈滿辣肉腸，不過食落又唔算好鹹，亦唔太辣，味道調得剛剛好。慢煮羊腿配薯蓉羶味非常濃郁，肉質好軟腍入味。薯蓉帶有少少羶味之餘亦不失果股牛油既香氣。另外亦西蘭花、蕃茄、洋蔥等配料。藍莓芝士蛋糕芝士蛋糕幾鬆軟，唔會太硬，同上面既藍莓果醬好夾，甜而不膩。朱古力曲奇慕絲蛋糕好香濃既朱古力味，看似細件，但食完一整件都幾飽。蜜桃爆珠梳打攪伴後成杯梳打變左橙黄色，唔會太甜，夠哂消暑。特濃朱古力上面加左cream，賣相幾靚。Cream同朱古力既比例亦好平均，唔會搶左對方既味道。