金大班

營業中

休息中

黃大仙冬菇亭好出名，上少少既竹園都一樣有，昔日大排檔已改建成有冷氣的食肆，少左啲特色，但坐得舒服啲，幾寬敞。① 乾炒豬頸肉一丁 $57望餐牌選擇都幾多，但我一個人食就無叫到小菜，叫左碟炒公仔麵，唔會太鹹或者太油，如果再乾身啲仲正，不過呢碟都收貨；豬頸肉幾厚切，口感夠爽。本身跟碗中湯，正常茶餐廳質素。② 金二少新鮮檸檬茶 $2餐廳招牌係得獎絲襪奶茶，不過今次無飲到，反而叫左樽裝檸檬茶，加兩蚊凍飲價幾抵。茶底偏澀，唔會好甜，幾獨特既檸檬茶味道，唔錯。