金翠餐廳 (已搬遷) 新店位置

呢類舊式扒房，仲係保留住傳統嘅舊裝修， 昏昏暗暗嘅燈光，每位客人都點著同樣嘅鐵板餐。當上枱時，每枱都冒起白白的鐵板煙來，好攪笑!這類扒房，明碼實價 ，買的係實實在在的 鐵板牛柳，西冷牛扒，雜扒等等...這間金翠餐廳，我間唔中放工嘅時間都會去幫襯，貪佢有熱辣辣的餐湯及餐包，而且黑椒牛柳黑椒汁很獨特，少少辣有些少胡椒味 及黑椒粒，而牛柳係我喜歡嘅七成熟，少少紅但不見血水，牛肉很有牛味，而且牛柳表層是煎得有少少炭燒味。每次食完都覺得好充實! 而且呢間餐廳，相信係保留住家庭式營運包括收銀姐姐及門口嘅婆婆，每日經過佢哋都風雨不改，很勤力呢! 呢啲就係典型嘅香港精神!