蘇珊娜餐廳

營業中

休息中

呢間餐廳對我同外子黎講，有其特別意思，話說當年我地剛相識第一次單獨食飯就係黎呢間餐廳。之後，西貢成為我地經常覓食的地方，高峰期值頭一個星期晚晚入黎食飯！今日完成project 的一個milestone, 就黎西貢散散步，順道懷舊下（老餅必做的動作）餐廳以港式扒餐為主，本人必揀肉眼扒，外子要了只有港式先俾到你嘅什扒餐餐湯係濃稠嘅羅宋湯，酸咪咪的湯底，㚒雜住溶化左嘅疏菜如薯仔、蕃茄、西芹！好味！配上牛油西多，烘得鬆脆的外層加上勁多牛油，好五成熟的肉眼扒，呢度火喉掌握得好，基本上你講的佢都做到！配上海量corn! 肉眼脆邊而中間嫩滑，無令我失望！可惜粟子沾了太多醬汁，好咸，其實本人好鍾意食粟子，但都無辦法食曬！外子的什扒，似乎無肉眼扒咁正。點了fruit punch, 夏天唔飲fruit punch 真係唔知可以飲咩，不過呢杯fruit punch 比預期遜色。 套餐包雪糕，菠蘿雪糕同芒果雪糕，我食左兩啖，味道唔真實囉。總括，肉眼扒同羅宋湯味道一流，但其他配菜呀飲品呀，服務都一般般啦。