聯華茶餐廳 (已結業)

今日天氣幾熱，經過哩間聯華茶餐，於是就入去食個早餐。哩間係間舊式茶餐廳，好似店內擺設、水吧等等都有一番懷舊味道......雖然座位逼一d，但係都唔緊要啦...入咗店內，最重要是冷氣開放，可以cool down番個人.....入咗店內便立即搵個卡位坐下，然後點了個沙嗲湯通粉早餐，跟牛油方包、煎太陽蛋及凍奶茶少甜，才$23，很抵食呢~。 沙嗲湯通粉: 略嫌湯底味道太薄，只有些微沙嗲牛肉滲進湯中的沙嗲味，通粉亦不是有坑紋的那一種，食落有些腍，不過沙嗲牛肉算是嫩滑，味道幾好。 牛油方包很軟熟，包之間亦搽滿了牛油，不錯!至於太陽蛋，驚喜的是煎雙蛋，蛋的周邊煎至微焦，脆脆地幾香口，只是有點油而已，算是不錯! 唔知點解，通常舊式茶餐廳的奶茶都幾好飲，哩間亦唔例外!茶味夠濃，奶味亦足，口感亦很滑，真的很不錯!!!!!短短十多分鐘，我就食晒成個早餐嘞，味道是ok的，但仍有進步嘅空間。我還是較欣賞這些舊式茶記的格局多於它的食物本身.......