畢打奧餐廳

營業中

休息中

今晚同老婆去左舊墟附近搵食，平日夜晚比較少內地人，所以啲餐廳都會有位。行行下老婆就話想去間好耐無食過既餐廳，有扒食的。第一次黎呢間鋪比我個feel好似英式舊餐廳，有3分1間鋪做左酒吧。枱都有好多張，而且上菜都唔慢，繁忙時間都可以黎碰碰運氣。先黎兩個餐包，個包熱辣辣好新鮮，摸落個面以為好硬，點知用刀一切，原來個面好脆入面好軟熟！餐湯係羅宋湯同龍蝦湯，羅宋湯有色有味唔算辣，並唔係稀框框淡而無味的。龍蝦湯好香，味道濃得黎又唔係咸。老婆就要左杯水果茶，好大杯夠兩個人飲，唔係好甜，應該係靠入面啲生果出味，好fresh！我就要左杯紅酒一陣食扒，杯酒唔澀易入口。焗法國田螺，用蒜蓉一齊焗令到啲螺肉好好味，而且肉好爽口。西冷牛扒拼大啡菇，牛扒要左5成熟，切既時候無血水，但食落好juicy。個菇煮得唔乾，又香又多汁。薯仔應該落左咖哩粉一齊煮，所以好香咖哩味。香草焗鱸魚，鱸魚上面滿佈香草同蒜蓉，但食落味道無想像中咁濃烈，恰到好處。