均香餅家 (已結業)

這天, 我同P大人出深水埗買D野, 行行下見到呢間好似好舊式既飽餅店, 我地諗左諗停左落黎,望下望下有咩包, 終於比我望到有我兒時最愛菠蘿豆沙包, 買三個抵D, 所以一次過買左三個。睇個樣我心諗應該食得返我想要既味道了!果然冇令我失望, 菠蘿包係比較濕同實正個種, 入面既紅豆好足料, 甜就係甜D, 不過以前D包係咁架喇!呢一晚我食左兩個~超級飽呀!!總結~我同P大人其實特別鍾意留意一D老店, 因為往往一D老店都會帶比我地遺忘左既驚喜~下次再行經既時候一定會再幫襯, 試下佢其他包正唔正