新是你的餐廳 (已結業)

新是你的餐廳由中學時已經係度，粉紅色既外牆，高掛手寫餐牌，依舊不變，不過我從來未食過野係度。趁湊姨甥女之前食下lunch係咪同餐廳味道一樣懷舊。蒜蓉麵包烘得金黃香脆，微微蒜蓉香味，整得唔錯。至於忌廉湯一般，比普通茶餐廳好啲，唔會太稀，蘑菇軟腍。芝士焗白汁腿茸魚柳飯好大碟，我鐘意佢既飯係炒底，而家好多焗飯都只係普通白飯，佢炒到個飯好香蛋味，而且啲飯粒粒分明。芝士白汁都好濃郁，有著兒時食開既味道，白汁仲充斥一陣洋蔥既美味。汁同飯呢啲配角做得好好，但係主角魚柳就失色，肉質過份軟腍濕潤，一切就零碎散落，破壞左個咁好既汁同飯，如果條魚脆番啲會好味好多。