影片
更多
2024-10-05
265 瀏覽
君蘭餅店 之前有間年輕化新副線--#君蘭麵包廠 ，銅鑼灣已經開左啦！依家正式進駐K11 Art Mall，作為九龍區首間分店，帶來多款充滿西式風味，同新派港式風味嘅包點選擇。最緊要試忌廉筒、牛角包同曲奇。煙肉薯仔筒 $10忌廉筒呢啲傳統味道，真係老牌餅店先有，仲會愈來愈少的。分店限定忌廉筒，共有六款口味，除左有原味選擇，仲有菠蘿、開心果、紫薯、士多啤梨香甜選擇，已經好想試。不過反正都係試，不如突破傳統，食鹹味嘅煙肉薯仔筒。外皮一樣係香甜嘅酥皮，但同鹹味嘅餡料無違和感。食鹹，一定無可能用奶油餡，由薯蓉取代。Creamy嘅薯蓉，加埋煙肉嘅鹹香，惹味香口，細細件零罪惡感。港式曲奇 $20/100g →$30多款精緻港式曲奇，包括花生曲奇、原味萬聖節曲奇、朱古力味萬聖節曲奇、士多啤梨果醬曲奇、朱古力醬曲奇、提子乾曲奇，同埋最特別嘅鹹蛋肉鬆曲奇。想食就可以自助夾，收銀姐姐會幫你磅重，仲會免去紙袋嘅價錢。食落鬆脆，係麵包舖頭自製嘅味道。鹹蛋肉鬆曲奇，就係脆版嘅肉鬆蛋糕。呢塊曲奇係鬆，但唔硬，咬落去係軟綿綿嘅肉鬆，再加少少蛋黃味，會想繼續食。紅桑子朱古力扁可頌 $32另外一個重點，呢度要巨大版嘅牛角
煙肉薯仔筒 $10
忌廉筒呢啲傳統味道，真係老牌餅店先有，仲會愈來愈少的。分店限定忌廉筒，共有六款口味，除左有原味選擇，仲有菠蘿、開心果、紫薯、士多啤梨香甜選擇，已經好想試。不過反正都係試，不如突破傳統，食鹹味嘅煙肉薯仔筒。外皮一樣係香甜嘅酥皮，但同鹹味嘅餡料無違和感。食鹹，一定無可能用奶油餡，由薯蓉取代。Creamy嘅薯蓉，加埋煙肉嘅鹹香，惹味香口，細細件零罪惡感。
港式曲奇 $20/100g →$30
多款精緻港式曲奇，包括花生曲奇、原味萬聖節曲奇、朱古力味萬聖節曲奇、士多啤梨果醬曲奇、朱古力醬曲奇、提子乾曲奇，同埋最特別嘅鹹蛋肉鬆曲奇。想食就可以自助夾，收銀姐姐會幫你磅重，仲會免去紙袋嘅價錢。食落鬆脆，係麵包舖頭自製嘅味道。鹹蛋肉鬆曲奇，就係脆版嘅肉鬆蛋糕。呢塊曲奇係鬆，但唔硬，咬落去係軟綿綿嘅肉鬆，再加少少蛋黃味，會想繼續食。
紅桑子朱古力扁可頌 $32
另外一個重點，呢度要巨大版嘅牛角酥，充滿香滑忌廉，開心果、黑芝麻、柚子及Tiramisu共四款選擇。不過一次過食唔到咁多包，今次買壓扁嘅版本，耐啲保存期，一樣有唔同嘅餡料。牛角包用咁多油整，攤凍之後無可能避免會好膩，今次扁可頌加左一個比較酸嘅醬汁，就可以鬆脆，但又有少少清新感覺啦！所以我地好快食完。
雙重芝士方包 (4) 厚 $ 32
佢呢個口感好特別，唔似街坊餅店嘅方包咁軟熟，都唔係歐式麵包咁硬，佢係兩者之間。話佢軟，佢又唔係鬆，話佢硬佢應該掟唔死人，佢最好食法，應該係烘乾佢做多士。中間有芝士，不過份量唔多，所以有香味，但唔會膩，側面仲自帶黑椒調味，都有驚喜。
萬聖節曲奇（2件） $24
呢個未食住，擺一陣俾小朋友睇下先。
總數：$128
#國慶優惠，1-13/10買滿$50，全單八折，所以今次的我地只需要俾$102，更抵
張貼
