影片
更多
2025-01-18
164 瀏覽
今日去荃灣探班，回程時路經綠楊坊，見到地下新開左間「錦麗」，反正好耐冇食過越南河粉，一於入去回味下。餐廳係越南過江龍，起源於胡志明市一間由獨立家庭經營嘅麵檔品牌，曾獲華爾街日報譽為「越南胡志明市最好吃牛肉粉」！翻開餐牌，食物分門別類，有牛骨湯粉，越式檬粉、雞湯金邊粉、飯類、風味小食、晚市套餐同新出嘅冬季一人鍋等，選擇非常豐富。點左個胡椒椰子鮮雞鍋 ($78) 湯底真材實料，一上檯已經聞到好香椰子味。雞件滑嫩肥美，入口啖啖肉，加上胡椒嘅辛香，與雞肉鮮甜交織，食完暖入心🔥鍋物奉送河粉、金邊粉或米飯🍚一碗。+$8 仲可以配半條即炸油炸鬼，入口香脆，用嚟吸湯一流！另外呢碗火車頭粉 ($88) 亦係水準之作，湯底用了大量牛骨、牛肉同多種香料熬製，入口濃郁清甜。配料有穀飼肉眼、牛筋、越南扎肉及熟牛肉等，肉眼細嫩、牛腩軟腍、加上彈牙牛丸，別有一番風味。至於跟餐飲品，本來想嗌杯冬季養生茶，點知 2 款都售罄。點左椰汁紅豆冰 (+$14) 同 三色檸檬可樂 (+$14)，紅豆冰好足料，紅豆大大粒，入口有椰香。意猶未盡，再加點左客特色小食拼盤 ($76) 同 馬拉盞醬時蔬 ($38)。拼盤有金絲網蝦春
今日去荃灣探班，回程時路經綠楊坊，見到地下新開左間「錦麗」，反正好耐冇食過越南河粉，一於入去回味下。
餐廳係越南過江龍，起源於胡志明市一間由獨立家庭經營嘅麵檔品牌，曾獲華爾街日報譽為「越南胡志明市最好吃牛肉粉」！
翻開餐牌，食物分門別類，有牛骨湯粉，越式檬粉、雞湯金邊粉、飯類、風味小食、晚市套餐同新出嘅冬季一人鍋等，選擇非常豐富。
點左個胡椒椰子鮮雞鍋 ($78) 湯底真材實料，一上檯已經聞到好香椰子味。雞件滑嫩肥美，入口啖啖肉，加上胡椒嘅辛香，與雞肉鮮甜交織，食完暖入心🔥
鍋物奉送河粉、金邊粉或米飯🍚一碗。+$8 仲可以配半條即炸油炸鬼，入口香脆，用嚟吸湯一流！
另外呢碗火車頭粉 ($88) 亦係水準之作，湯底用了大量牛骨、牛肉同多種香料熬製，入口濃郁清甜。配料有穀飼肉眼、牛筋、越南扎肉及熟牛肉等，肉眼細嫩、牛腩軟腍、加上彈牙牛丸，別有一番風味。
至於跟餐飲品，本來想嗌杯冬季養生茶，點知 2 款都售罄。點左椰汁紅豆冰 (+$14) 同 三色檸檬可樂 (+$14)，紅豆冰好足料，紅豆大大粒，入口有椰香。
意猶未盡，再加點左客特色小食拼盤 ($76) 同 馬拉盞醬時蔬 ($38)。
拼盤有金絲網蝦春卷、越式蔗蝦、法式蒜蓉牛油雞翼及香茅豬扒，全部都係即點即製，外金黃內脆軟，沾少許甜酸醬吃，更加惹味。
菜心色澤翠綠，而且爽口無渣，以馬拉盞醬拌吃，鹹香惹味。
張貼
