影片
更多
2019-10-01
29 瀏覽
近兩年香港多左好多貼近重慶風格嘅麻辣火鍋店。當然，香港食到嘅辣必然同重慶嘅有出入，畢竟廣東人並非習慣太辣嘅族群。「渝味曉宇」係重慶開業超過廿年。早幾年係內地火紅的電視節目《舌尖上的中國》，就揀選左拍攝呢間重慶火鍋嘅代表，因而令呢間火鍋店火速爆紅。餐廳裝潢別緻，座位舒適。一坐低就送上兩碗暖呼呼嘅紅棗雪耳糖水，喚醒一下味蕾。火鍋湯底單拼或雙拼都係$38一位，由於我同男朋友都唔太食得辣，所以揀咗清清地嘅大骨滋補清湯鍋。火鍋醬料另收$20一位。火鍋材料有各式各樣嘅肉類、內臟、海鮮、同埋蔬菜類。上網睇過資料話呢度主打牛嘅內臟部位，但我哋本身唔太好內臟，所以今晚就冇叫到喇！我哋點左曉宇嫩牛肉、鮮蝦雲吞、特色迷你燕餃、牛筋丸。嫩牛肉口感非常嫩滑；鮮蝦雲吞大大隻鮮蝦混合少量肥豬肉做餡料，燕餃嘅外皮係用魚肉打成，口感煙韌。重慶炸酥肉可即食，用左五花肉、胡椒及花椒等製成，鬆鬆脆脆，食落舌頭會有麻麻的感覺。手打墨魚滑非常新鮮，口感彈牙而且味道鮮甜。油條同埋芝士丸。油條滾15秒左右就食得，食嘅時候外脆內軟，吸收晒湯汁嘅精華，非常惹味。另外我哋仲叫咗牛筋丸、萵筍條、鮮竹笙、木耳、油麥菜同埋到稻庭烏冬。牛丸味道一
餐廳裝潢別緻，座位舒適。一坐低就送上兩碗暖呼呼嘅紅棗雪耳糖水，喚醒一下味蕾。
火鍋湯底單拼或雙拼都係$38一位，由於我同男朋友都唔太食得辣，所以揀咗清清地嘅大骨滋補清湯鍋。火鍋醬料另收$20一位。
火鍋材料有各式各樣嘅肉類、內臟、海鮮、同埋蔬菜類。上網睇過資料話呢度主打牛嘅內臟部位，但我哋本身唔太好內臟，所以今晚就冇叫到喇！我哋點左曉宇嫩牛肉、鮮蝦雲吞、特色迷你燕餃、牛筋丸。嫩牛肉口感非常嫩滑；鮮蝦雲吞大大隻鮮蝦混合少量肥豬肉做餡料，燕餃嘅外皮係用魚肉打成，口感煙韌。
重慶炸酥肉可即食，用左五花肉、胡椒及花椒等製成，鬆鬆脆脆，食落舌頭會有麻麻的感覺。
手打墨魚滑非常新鮮，口感彈牙而且味道鮮甜。
油條同埋芝士丸。油條滾15秒左右就食得，食嘅時候外脆內軟，吸收晒湯汁嘅精華，非常惹味。
另外我哋仲叫咗牛筋丸、萵筍條、鮮竹笙、木耳、油麥菜同埋到稻庭烏冬。牛丸味道一般，有少少雪藏味，似係急凍而唔係新鮮手打嘅。萵筍切得太大嚿，如果切薄D會更好。
整體而言，食物新鮮度同埋質量都屬於中上水準。最好嘅係呢度嘅火鍋配料都可以叫半份，岩哂兩個人嚟撐枱腳或者食量比較細嘅朋友，可以點多幾款唔同種類嘅食物，唔洗擔心太多食唔晒。
張貼
