台南阿豆仔 (已結業)

心血來潮想食正中台灣地道美食，以為飛去台灣已經好方便，原來搭車去銅鑼灣都食到！走到蘭芳街發現原來都有幾家特式地舖餐廳，今晚就到「台南阿豆仔」，回味一下台灣味道。一拉開趟門，驟然踏入台灣夜市街邊店一樣，眼看到一塊又長又大嘅膠牌，上面寫上紅色藍色食物名，加上部份坐位是啤酒膠箱，充滿台灣地道風味。餐牌上小至小食，大至小炒都可以選擇。我地兩個就揀左必食魯肉飯、炒新竹米粉，仲有唔少得嘅台啤同地瓜條啦！如果講味道，確實同台灣食到嘅無異，唯一最大差異就係個新竹米粉有勁多料，頂有炸蠔餅脆脆，又有大蝦仁、芹菜、芽菜、甘筍絲等等，配料多多。醉雞都好值得嘉許一下，夾雜著濃郁酒味及杞子香味，件件雞都大大件又肉厚小食代表地瓜條，加梅子粉就係101分之作！地瓜甜，梅子酸尾尾，送埋啤酒！無得輸！