影片
更多
2021-11-15
566 瀏覽
又是一間麵店，這一間好似在西灣河都幾出名，所以都專登坐車過嚟試，在門口睇咗一陣餐牌，都好似係如好湯好麵一樣睇唔出係乜嘢地方菜式，只係一堆不同湯底不同配搭嘅麵，再加上不同配菜配搭成一碗湯麵，但形式又唔似車仔麵。望住餐牌都好懷疑一件事，$45蚊一個人蔘雞湯麵？究竟有冇人參㗎？$27蚊一份醉雞卷？究竟係咪微型㗎？所以決定入去就係試人蔘雞湯麵同醉雞卷呢兩樣野啊😏落單後醉雞卷很快就到👍🏻睇落都好大碟，份量十足👍🏻雖然只係$27蚊，聞都聞到好香花雕酒香，放一舊入口，雞肉結實而又不鞋口，雞肉算係幾滑，很久以前曾經食過一間上海老飯店的醉雞，由於花雕酒味又酸又苦，所以我認定了醉雞係不合我口味菜式，但係呢個醉雞卷有花雕酒味之餘但係又唔酸又唔苦，相反雞肉有啲似鹽焗雞咸，酒汁竟然係甜甜哋，咸度也十分夠，一啲苦味與酸味也沒有，相信店主在這個酒汁上真係落咗唔少苦功👍🏻好食👍🏻可以俾滿分💯沁沁麵即係人蔘雞湯麵，雞肉絲係煲湯雞肉，原來我都睇少佢，但雞肉絲滲入人蔘味，竟然好味😋溏心蛋很溏心，鹵水味十足，配上健康的黑木耳及西蘭花🥦份量都幾足，上海拉麵夠彈牙，滲入人蔘雞湯味又不會掩蓋了麵粉味，十分好食👍🏻👍🏻👍🏻最後湯，原
落單後醉雞卷很快就到👍🏻睇落都好大碟，份量十足👍🏻雖然只係$27蚊，聞都聞到好香花雕酒香，放一舊入口，雞肉結實而又不鞋口，雞肉算係幾滑，很久以前曾經食過一間上海老飯店的醉雞，由於花雕酒味又酸又苦，所以我認定了醉雞係不合我口味菜式，但係呢個醉雞卷有花雕酒味之餘但係又唔酸又唔苦，相反雞肉有啲似鹽焗雞咸，酒汁竟然係甜甜哋，咸度也十分夠，一啲苦味與酸味也沒有，相信店主在這個酒汁上真係落咗唔少苦功👍🏻好食👍🏻可以俾滿分💯
沁沁麵即係人蔘雞湯麵，雞肉絲係煲湯雞肉，原來我都睇少佢，但雞肉絲滲入人蔘味，竟然好味😋溏心蛋很溏心，鹵水味十足，配上健康的黑木耳及西蘭花🥦份量都幾足，上海拉麵夠彈牙，滲入人蔘雞湯味又不會掩蓋了麵粉味，十分好食👍🏻👍🏻👍🏻最後湯，原本諗住人蔘味會帶苦澀味道不會好飲，但飲一啖湯有人蔘味之餘但味鮮甜味，一啲苦澀味都無，咸味又剛剛好，不會太淡又不會太咸，店員吩咐要飲晒個湯，無味精，我真係聽晒佢話真係飲晒，實在太好飲了👍🏻👍🏻
整體來講今次嚟沁沁麵十分滿意，很久在香港沒有食過咁真材實料嘅誠意之作，味道又掂價錢收費又相宜，係誠意推介👍🏻👍🏻👍🏻
沁沁麵
$45
37 瀏覽
0 讚好
0 留言
張貼
