MEMOIR (已結業)

同朋友食午飯有時都想去啲寧靜一些，無咁趕頭趕命的餐廳食飯。今次真係比我哋遇到係銅鑼灣既「Memoir」，淨係見到個門口已經覺得好靚，入到去更覺得裝潢設計好浪漫溫柔，因為有好多花既裝飾，無論係商務午餐、同事食飯、打卡或同情人黎都好適合。香煎澳洲10oz西冷扒配韓式燒肉汁 $198牛扒好厚身，七成熟，肉質非常淋，無根，牛肉味好夠，有椒鹽同牛肉汁沾，我覺得沾椒鹽好食啲。黑松露雜菌意大利飯 $98黑松露及雜菌味極濃，勁多雜菇，好足料，飯比較淋，汁好杰，味道優勝。水牛城雞翼 +$68有粉漿包裹住雞翼，所以食落好脆身，辣汁不太辣，可以再辣多少少惹味啲，味道好濃。和風紫菜薯條+$38薯條好脆，要襯熱食，配有黑松露醬，一定要沾醬食，好味好多。蜜桃薄荷特飲 +$48蜜桃味重過薄荷味，但有種淡淡清香嘅味道。擺盤極吸睛，草地加花，杯底是山脈，好賞心悅目。😍黑加侖子薄荷特飲 +$48黑加侖子味濃，但薄荷味都唔弱，這個配搭兩個味道都好出，不過由於顏色深，睇唔到杯底嘅山脈，擺盤都係一樣咁出色。😍沙律非常新鮮，最喜歡它用醋汁混和，非常搭配。羅宋湯很多菜，足料，好細心地切粒，很方便女士優雅地食。