Banker Bar & Lounge

營業中

休息中

今日去咗銅鑼灣呢一間酒吧位於SOGO附近，距離地鐵站嘅距離都非常方便今日同朋友咁啱喺銅鑼灣食完飯就過嚟飲吓嘢，每逢星期二同埋星期六嘅指定時間都會有live band, 非常熱鬧 ，亦都有唔同嘅小食可以比客人選擇，有日本嘅串燒，亦都有泰國菜、非常多元化！🥢我哋先叫咗一杯紅酒同一杯白酒，性價比嚟講都非常高，價錢絕對唔貴，而且份量都比得多，紅酒嘅味道非常容易入口，唔會有太strong 嘅酒精味道! 白酒就比較爽身，飲落去亦都會諗到少少果香，我同朋友都非常鍾意呢一個味道啊！覺得店員推介都唔錯！🥢之後我哋就有少少肚餓，叫咗一串牛舌同埋一串雞翼，牛舌一寸有三件，而且佢都幾厚切，所以整體我哋都覺得非常好食，而且佢中間處理得非常好，中間係靚仔嘅粉紅色！入口亦都非常好食，簡單嘅調味令到成個牛舌嘅味道更加突出 ，雞翼嘅外皮亦都燒得非常香脆，我哋都覺得非常好食，鍾意食雞翼嘅朋友不能夠錯過！再送埋酒精，簡直就係完美！！🥢之後我哋就叫咗兩杯特調嘅飲品，一杯係威士忌嘅第一杯係琴酒！我哋非常鍾意尋找個杯，佢係用荔枝做主調，成杯都充滿荔枝嘅香味，而且我同朋友都非常鍾意佢嘅甜度，而且荔枝味道非常突出！真係非常正整體都非