HOW Food Factory (已結業)

在朋友的介紹下認識到這間觀塘工廠上的樓上Cafe，呢間Cafe好大，環境都好舒服，好適合同姊妹們一齊嚟嘆番個下午茶，吹吓水。但係可惜我哋嗰日嚟到已經係夜晚八點，可以逗留嘅時間唔多，因為間店收十點，所以我哋好快咁樣完成咗我哋嘅晚餐就離開咗啦。講返嘢食先，我同朋友叫左個蜜糖芥末醬烤雞漢堡餐同溫泉蛋 ·黑松露忌廉野菌意大利麵，跟餐會附送餐湯和飲品。餐湯係玉米濃湯，味道好濃好creamy，幾好飲。而漢堡最值得一提嘅就係塊烤雞好厚，烤雞同蜜糖芥末醬都幾match，味道唔錯！意粉聽朋友講話都唔錯，不過就略為貴咗啲。