好日咖啡店 (已結業)

第一次去呢個商場食嘢，商場好新、感覺良好。剛剛過咗午市時間，不過都有四五枱客人。自助形式點餐，我地點咗份全日早餐、蜆肉炒意粉、啡菇牛油果漢堡包。蜆肉意粉份量都唔細，適中，味道都好好，意粉爽口唔會林林咁。全日早餐冇咩驚喜，不過個自家製scone 都好香牛油味，不過細嗰咗小小。個果醬好清新、好天然。啡菇漢堡包好夠份量，配薯條一齊，個包好香芝麻味，麵包好有口感，好健康、但又好好味，👍🏻。飲品叫咗latte ，都好香咖啡味，不過如果熱啲就更好。朋友叫冬瓜水，一般般咁。不過整體都唔錯，可以輕鬆hea 下既好地方。