香港郵意 (已結業)

之前係網上有睇到人介紹cafe，依間cafe好文青feel，身為cafe控嘅我點可以唔同朋友嚟打翻個卡呢。依到係不設服務㗎，雖然不設服務但佢地員工都好好禮貌，我地淨係食完收翻乾淨就可以啦。環境舒服又闊落。龍蝦肉蕃茄意粉 食落酸酸地好開胃，意粉煮得適中有咬口，龍蝦肉算彈牙肉質唔霉，但略嫌蕃茄醬有啲少。煙三文魚火箭菜pizza，依個薄餅好好食 因為佢派底夠薄身，煙三文魚唔算好油膩亦都幾香煙熏味，加上火箭菜令整體嘅配搭食落好新鮮 好特別。依杯係曖昧 姐係士多啤梨藍莓乳酪冰，冰打得幾幼細 無大冰粒，飲落莓味濃郁 酸酸甜甜，味道唔假 完全無藥水味，鍾意莓類嘅人唔可以錯過。