影片
更多
2023-06-30
40 瀏覽
呢排啲天氣都好唔穩定，成日無端端落雨，我同朋友就索性搵一間可以坐耐啲嘅Cafe，有Wi-Fi又唔使驚落雨🤍我哋大概喺下午茶時間嚟到，餐廳入邊都仲有好多人，幾鍾意餐廳嘅木系裝潢設計，感覺好舒服😌我哋叫咗兩個主食一齊share，另外仲叫咗杯飲品~煎三文魚什菌忌廉椰菜花飯（生酮）($118)之前聽過好多人介紹生酮減肥，但係一直都冇試過，難得呢個Cafe用咁平嘅價錢可以食到呢一款好特別嘅椰菜花飯❤️蘑菇汁配上椰菜花飯，再加上煎得啱啱好嘅三文魚，係最佳嘅配搭，非常滿意！ ！羅勒蕃茄牛肉醬溫泉蛋意粉 ($88)勁耐冇食個肉醬意粉，就忍唔住叫！意粉份量超多，大大粒嘅牛肉粒，再加上溫泉蛋，比想像中划算🤣味道正正常常，同平時嘅肉醬意粉差唔多😌京都焙茶鮮奶 - 熱 ($48)好難得有不叫陪茶類飲品，當然要叫一杯嚟試吓❤️靚靚嘅心心拉花，配上濃郁嘅茶味同鮮奶，係唔錯嘅配搭，可惜為咗唔整爛個拉花，我哋冇攪勻先飲，所以飲到後尾有少少苦澀🤣
我哋大概喺下午茶時間嚟到，餐廳入邊都仲有好多人，幾鍾意餐廳嘅木系裝潢設計，感覺好舒服😌
我哋叫咗兩個主食一齊share，另外仲叫咗杯飲品~
煎三文魚什菌忌廉椰菜花飯（生酮）($118)
之前聽過好多人介紹生酮減肥，但係一直都冇試過，難得呢個Cafe用咁平嘅價錢可以食到呢一款好特別嘅椰菜花飯❤️
蘑菇汁配上椰菜花飯，再加上煎得啱啱好嘅三文魚，係最佳嘅配搭，非常滿意！ ！
羅勒蕃茄牛肉醬溫泉蛋意粉 ($88)
勁耐冇食個肉醬意粉，就忍唔住叫！意粉份量超多，大大粒嘅牛肉粒，再加上溫泉蛋，比想像中划算🤣味道正正常常，同平時嘅肉醬意粉差唔多😌
京都焙茶鮮奶 - 熱 ($48)
好難得有不叫陪茶類飲品，當然要叫一杯嚟試吓❤️靚靚嘅心心拉花，配上濃郁嘅茶味同鮮奶，係唔錯嘅配搭，可惜為咗唔整爛個拉花，我哋冇攪勻先飲，所以飲到後尾有少少苦澀🤣
張貼
