Oggi (已結業)

今晚屋企冇飯開，所以自己一個去左這間小店解決我的晚餐。基本上餐牌係有大量選擇的，我自己就揀左有廚師推薦的藍青口白酒忌廉汁扁意粉。一開始會俾一份麵包配牛油同是日餐湯（南瓜湯）。麵包係岩岩拱的，所以仲係熱身，南瓜湯就冇落忌廉的，所以只係靠南瓜的味道，但我飲落非常香，所以餐廳應該用左大量南瓜去煲個湯。主食方面，扁意粉好有咬口，忌廉汁味好濃，食落相對黏身，所以每啖味道都好濃。不過白酒味就唔出的。青口亦都唔腥，亦有足夠的海鮮味。最後我仲叫左一個檸檬蛋白撻，食落唔算太甜，檸檬偏酸，不過夾埋雪糕好好食。