Med Chef (已結業)

嚟到見到環境非常靚，坐得好舒適又有沙發位。呢度嘢食成份有啲大麻，其實又唔覺得有啲乜嘢好重嘅味道唔想嘅話亦都可以唔叫。兩個人可以嗌餐或者散叫。我哋點樣金不換蜆肉炒意粉有啲泰式風味但係同意粉都好夾，加埋啲蜆肉辣辣地幾好食，意粉好有嚼勁唔會好軟身。燒春雞勁大隻雞髀！燒到啱啱好鎖住啲肉汁咬出嚟會有啲雞油，而且個皮燒得好香脆。Mojito呢度已經有酒牌可以飲酒！個人覺得餐廳有得飲就係最好。Lime soda 我哋仲點左樣甜品🍮，係芝士撻。比想像中冇咁漏，而且仲係好熱！甘岩慶祝生日又可以即刻寫到生日字句服務好好。我哋又六點幾坐到九點都冇人俾我哋走，好舒服傾偈又唔會太嘈。