Big John (已結業)

一個0係尖咀做野0既朋友之前經常講好鍾意黎呢間餐廳食野，今次終於一試。講真，之前都有經過樂道好多次，但可能呢間餐廳0係外面睇黎太唔起眼，所以一直冇注意到…入到去，燈光唔會好光猛，令人舒服，我叫左菜肉水餃米線+奶茶，有位阿姨叫我坐低等等，我見架上有報紙雜誌就抽起一份蘋果副刊黎睇，呢度所有位都係面壁0既，d凳都係高凳，感覺上適合單獨享受食物0既地方，過左大概十分鐘左右，我的米線有人送過黎，woo~餃子都好大隻，餡料好足，米線都爽口唔係浸到淋哂架~最開心係有菜食，好健康呀~杯奶茶雖然唔係咁夠茶味，但呢度唔係茶餐廳，呢個質素已經唔錯喇~當我食得滋味之際，聽到坐0係隔離位食完碗麵後向counter大嗌「唔該上芝士餅丫」，阿姨就拎左一件睇落都好吸引0既芝士餅過黎，如果我唔係咳得咁犀利，我一定會order一件，但我實在唔想食完甜野咳得更犀利…下次一定要試﹗坐左大約半個鐘，都見到唔少人黎叫外賣，等食物0既時候又會同d店員閒聊，總之整體0既感覺令人好舒服。