心選 (已結業)

舒服cafe呢間旺角樓上cafe，上星期同男朋友去左坐同食下野。cafe環境幾舒服好坐，大張sofa，木色裝修，有board game，可以全下慢慢吹水。叫左三個野食，兩杯野飲。煙鴨胸蕃茄蘑菇肉醬意粉 好多汁，有蕃茄溶，味道偏酸，不錯。意粉🍝有過冷河，所以彈牙，煙鴨胸煎香，有鴨香，同茄意都夾。白汁吞拿魚焗長通粉面頭全係cheese鋪住，焗得剛好，外型加分。cheese可以絲絲拉到出黎，入面白汁長通粉，加埋吞拿魚好食。蜜糖雞翼個份量都幾多，有五隻，似食緊bbq蜜糖雞翼，仲有d汁，面小小脆，yummy。凍蜂蜜綠茶甘香綠茶味道，蜂蜜亦不會太甜，大杯。熱熱情果紅茶紅茶好香，熱情果味道都香，都不會好甜。