Cafe Prince Royal (已結業)

呢條街都幾多野食，想坐得舒服d, 㨂左呢間cafe 食野。經典全日早餐：賣相幾豐富，有兩隻太陽蛋,蕃茄，大啡菇，薯餅，waffle, 煙肉，腸同沙律。 個waffle 幾好食，外面鬆化入面軟綿綿同食落甜甜地。煙肉煎得幾香，腸都好味，正常水準。明太子忌廉三文魚意粉：呢個忌廉汁唔錯，一d 都唔膩。除左明太子仲加左d 蟹籽食落脆卜卜帶少少微辣，加埋洋蔥三文魚幾好食，意粉煙韌有咬口，可惜今日孖辮粉無貨試唔到。軟殼蟹蟹膏忌廉意粉： 呢個軟殼蟹幾好味，食落好juicy. 淡淡既蟹膏味，係比較清新既感覺。