JK Kitchen (已結業)

登龍街有好多嘢食，呢間要上樓，好易被人忽略，加上今日星期一，同友人幾個靜靜地舒舒服服咁坐到人哋要閂門。小食拼盤，雖然我唔食蝦，只係食咗春卷同雞翼，我覺得調味唔錯，春卷話係舖頭自己包嘅，我唔知有咩饀，但口感幾好，雞肉又夠滑，而且都係新鮮炸起嘅。個生牛河呢，個湯味道OK，飲完唔覺口乾，河粉又好"雪"，牛肉肉質都唔錯，唔韌。整體來講，整餐飯食得好高興，傾得好開心，掛住傾都唔知幾點，坐咗成晚都無被人催埋單。