Lemon Grass Thai & BBQ (已結業)

以前的「Lemon Grass Thai & BBQ」的座位唔算多，不過最近佢地擴充了，租埋隔離鋪位做生意，所以現在比較容易搵位。以前未試過在這裡食午餐，既然只是食午餐，咁就揀D簡單少少的食物來食。最後揀左泰式特級牛頸脊湯河同埋熱的凍頂烏龍茶。話就話係湯河，但其實唔係平時食開的河粉，而係金邊粉。湯底味道很濃，幾好味。配料方面有牛肉、牛丸、紅蘿蔔、白蘿蔔和生菜。牛肉的味道唔錯，都夠腍唔韌。牛肉丸細細粒，不過相當彈牙。紅蘿蔔和白蘿蔔，都煮到好軟和入晒味，很正！午餐有包一杯餐飲，我就揀左熱的凍頂烏龍茶。時間泡長一點，茶味都幾香濃。食完野有點飽滯，再嘆返杯熱茶，個人舒服晒。假日最開心就係可以舒舒服服咁食個午餐。