Lemon Grass Thai & BBQ (已結業)

整體價錢相對商場鋪來說不算太貴，鹽燒馬友魚也只是$158，但是等待時間相對長。等待也是值得的，馬友魚油份充足，肉質嫩滑，點上泰式醬更加鮮味。下次來一定會再吃這道鹽燒馬友魚。串燒拼盤$188，分別有牛肉、豬肉、雞肉各兩串，肉質不算太硬，配上沙嗲汁。馬拉盞炒通菜味道也不錯，分量可多些便更好。整體裝修環境偏向原始，例如水泥牆加上射燈，頗有泰國的風格。本來想嘗試冬陰功湯，可惜只有一種四至五人的份量我們兩人都喝不完，所以沒有嘗試。

食泰國菜一定要食咖哩，有小朋友嘅話叫咖哩軟殼蟹就最適合。估佢唔到咁大碟，仲要跟埋一大盤排得靚靚嘅蒜蓉包，兩隻小鬼開心死😋再黎半打串燒雞，又係必食菜式。竟然食到九龍城街邊串燒嘅味道🤗我地大人都鍾意食爐魚，熱住慢慢食最過癮。加埋木瓜沙律🥗夠晒味但辣左少少，最後我一個人食晒😅大哥去到邊都要食飯，咩炒飯都好總之要炒飯，菠蘿炒飯靚靚好吸引，真材實料😋，不過眼闊肚窄唯有將個炒飯打包返去。入面環境寧靜，可以好舒服咁慢慢食，又食又拎都係$6xx 💪

冬陰公 + 特級牛頸脊 $188熱辣辣明爐上嘅冬陰公，配上特級牛頸脊，好似港式打邊爐咁，將牛頸脊放入冬陰公湯度淥熟；冬陰公本身已經好味，牛頸脊油脂均勻，好似雪花咁，肉質鬆化甘香丶腍滑。沙爹串燒豬 (半打) $68即點即炭燒，好香，加埋個沙嗲醬，真係好正，好耐冇食過啦鹽燒烏頭魚 $128本來偏好明爐烏頭，但已經有個明爐冬陰功，所以就試鹽燒啦，魚肉在魚皮保護下keep住肉汁，肉嫰多汁又鮮甜，無泥味椰汁糕 $40經典泰式甜品，椰漿甜度適中，作為飯後一點甜，係不錯之選

最近個個都唔出街,午餐想食啲好食嘅嘢,叫過lemon grass幾次.次次都係叫泰南咖喱鴨,lunch set 好抵食包嘢飲(泰式奶茶泰式咖啡凍飲唔使加錢)今次叫埋黃咖喱牛腩同屋企人一齊食,都好好食.值得一提嘅係外賣包裝得幾好.餸同飯分開盒, 唔會撈埋一齊.熱飲個紙杯好厚身，keep到溫度，杯咖啡送到黎仲係好熱。不過星期六日好似唔開，我多數都係平日用app嗌lunch set外賣.除咗咖喱之外都未試過其他嘢,下次會嘗試.

前幾日，中午時候同幾個同事去咗Lemon Grass Thai & BBQ食Lunch set。我食咗個雞扒撈檬：☺️☺️撈檬果個汁好特別，有啲似現打咁樣，有好多泡泡。味道偏酸，😝可再按自己口味，加辣椒，夠哂味道。😋而雞扒外皮夠脆，又唔會過硬，好味。👍🏻配料都幾多青瓜同紅蘿蔔，感覺好fresh，好健康。🤩同事叫咗咖哩牛筋，佢話個咖哩幾香，而牛筋食落都好夠軟。👍🏻👍🏻個Lunch set配野飲嘅，飲品中規中矩。👌🏻👌🏻坐落都舒服嘅，座位唔會太迫。但要留意呀！平日嘅午市，一點左右就好多人排隊，要食就早啲出去搵位喇！🏃🏻‍♀️🏃🏻‍♀️

又係放晏時間今日就去左平時去開嘅泰國餐廳Lemon Grass😍⠀⠀⠀⠀⠀⠀⠀⠀⠀⠀⠀⠀papa好鍾意食東南亞嘅咖喱但係由於唔食得辣😔所以通常都會選擇食青咖喱😙⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀睇吓我哋一班同事都叫咗青咖喱雞飯就知佢個青咖哩唔少野啦😏⠀⠀⠀⠀⠀⠀⠀⠀⠀⠀⠀⠀我覺得青咖喱要做得好食最緊要係果陣”椰香味”因為青咖喱唔太辣，好難用惹味去取勝所以椰香味係非常重要可以帶起成兜咖哩嘅味道😎而呢度嘅青咖喱就係食得出落左唔少椰漿一拎上黎就已經聞到濃濃椰香味食落少少辣、帶點酸好啱拎黎送飯😋⠀⠀⠀⠀⠀⠀⠀⠀⠀⠀⠀⠀但係呢依個青咖喱飯都有少少唔好嘅地方🙊就係啲雞切得唔靚仔啲骨切口位會有碎骨如果唔小心一野咬左落去啲碎骨度，分分鐘牙都崩埋😥

平常好少會主動揀新派食店。今次朋友揀，有介紹話好食，所以試下。都係一試可以了...我地5個人，叫左2個散叫，一個4人set dinner。豬,雞,牛肉串燒 $88圖中係雞，我都只食左雞肉串燒。沙嗲醬汁花生味濃，雞肉就普普通通。串燒通常都會做到雞肉好滑，呢個我就個得唔乾，不過唔夠滑。咖哩炒軟殻蟹配蒜蓉包 $168軟殻蟹分量唔多，細碼。應該有炸過，可能係唔想炒既時候散開，不過炸粉厚，炒埋咖哩汁變左漿狀，蟹亦都淋哂。咖哩汁太咸，漿狀，唔太食到咖哩味。個人就唔岩食，不過友人都好鍾意。配有既蒜蓉包，用既唔係法包，係厚方包。蒜蓉同牛油味就好足，不過一啲都唔脆，淋到拎起係挺身唔到。以下係4人套餐，影影下冇再影。肉碎芝工薄餅料就好少，餅薄身好脆。泰式柚子沙律蝦，口感唔爽口，冇任何味似瘦身蒟蒻。西柚揀得幾好，唔會死苦。套餐仲有菠蘿炒飯，烏頭同冬陰公湯，菠蘿炒飯亦有蝦，口感都係一樣。烏頭呢款菜係餐牌上佔一頁，感覺係招牌菜。上到枱都係失望，魚係腥。整體味道一般，分量少。食完大家都唔夠飽。服務方面，店內服務生有2個，當日係平日有3-4枱客。感覺佢地好忙，叫佢地加水上甜品各樣，都好似阻住佢地。希望改善一下。

聽朋友話而到好好食所以決定去試一試。餐牌內只有一個二人餐及一個四人餐兩個套餐，其他就可以散叫。我們五個人所以選擇咗一個四人餐再另外單買半打串燒及咖喱軟殼蟹。咖喱軟殼蟹$168咖喱比較好味👍😋但我覺得不值呢個價錢分量非常少。雜錦串燒$88串燒還可以不會燒到很乾。四人套餐$568前菜要了柚子沙律普普通通很細碗，炭燒豬頸肉肉很林身而個ok酸酸哋幾好味。肉碎芝士pizza，皮很薄脆批加上芝士幾好味。冬陰公超唔掂超級酸同咸煲內只得兩隻大蝦給兩粒番茄兩粒草菇，份量非常之少比起九龍城的泰國餐廳差很遠。鹽燒烏頭完全沒有鹹味，魚很不新鮮落左好多香茅但掩蓋唔到魚腥味🤢最後是菠蘿炒飯十分普通份量亦都十分少其實成個餐一啲都不似四人餐因為份量真的十分少及不值這個價錢🤢🤢🤢五個人叫咗四人餐再加多兩個餸好似冇食過嘢一樣😅

坐落官塘，牛頭角交界。。一間不起眼的小店原來入内別有洞天。。環境好有泰風情今日只点了菠蘿炒飯，小食拼盆， 蒜蓉芥蘭，parma ham pizza...及一杯 青檸梳打菠蘿炒飯。。。蝦夠大隻。。但 略嫌欠鲜味。。整體一般小食拼盆。。 墨魚餅，春捲， 雞翼。。。三款都好好味👍👍蒜蓉芥蘭。。。吾多油，好味道。。吾錯parma ham pizza....雖然吾算正宗泰菜。。。但餅底 好薄好脆。。。正👍👍青檸梳打。。ok....整體嚟講呢間店舖值得去试下

見到eatigo 有半價，衝左去食🐶。大部分質素吾錯wor又🤩。炒金邊粉: 超級正宗，個粉好彈牙，汁就偏酸甜，由於個人好鐘意食🍅，所以覺得個味真係好岩我，蝦都好新鮮，我俾99分 ($82)。蠔仔炒蛋: 隻蠔超級大隻，蛋係炒到乾身果種，配埋d醬同葱真係不得了，食到停吾到口🙌🏻 ($108)。巴馬火腿火箭菜薄餅: 冇諗過泰國餐廳都有薄餅食，點知有驚喜！餅底好脆好薄，有層芝士，巴馬火腿份量適中，捲埋一啖食落肚👌 ($66)。沙嗲串燒拼盤: 個沙嗲醬有好多花生🥜，雞肉牛肉豬肉都好嫩，合格☝🏻 ($88)。咖喱炒軟殼蟹: 真係好差，好後悔叫到呢一個餸，唔係嘅話成間真係一百分🤦🏻‍♀️軟殼蟹份量完全係無言，隻碟咁大，但軟殼蟹嘅份量就係圖中夾起咁細，幾經辛苦先搵到三舊仔，個汁合格嘅，但碟餸個名要改改去囉🤪好彩吾係正價食 ($168)。留意，呢間餐廳一定要人齊先可以入，另外貴野全部都唔會比你叫，例如魚，牛扒，海鮮， 羊排💰。(重要嘅嘢要講多次，唔好叫軟殼蟹)

最近才發現lemon grass 這家泰菜在觀塘斜路出沒，由於門口太細，並不顯眼。可是行經聯安街見到，就走入去食個便飯。午飯的選擇這兩版餐牌而已，有圖有真相，看似吸引燒香茅厚切豬扒飯色香味俱存，有青瓜伴碟和辣椒仔作點綴。另外，該店有「加飯」服務，惠及香港的「飯桶」香茅豬扒份量相當豐富，厚切恰到好處啖啖肉，且濃濃的香茅味，實令人食指大動如愛辣之人，可沾少許隨飯奉上的泰式辣汁，風味更佳青檸梳打相對細杯，只有淡淡的青檸味，較為失望。

專程來到聯安街上斜一間毫不起眼的店，為既係D24 榴槤pizza 果然一試難忘脆口非常，而D24 也是真材實料，榴槤控不能錯過的！生菜肉碎包幾spicy 的，食唔到spicy 真係唔好叫～ 我鐘意spicy, 所以覺得好好味串燒拼盤就好一般，肉質很實益力多梳打，lime soda價錢唔貴，廿幾蚊一杯馬拉盞通菜又係好惹味！

諗食咩野係好痛苦既事 , 但係睇埋晒D又長又沉既食評仲痛苦,分分鐘睇食評個時間仲長過你食個餐飯 , 排隊又長又耐,所以速度食評為你帶黎一系列有速度有激情既速食系列,減輕大家痛苦 , 為大家搜羅出一D又食得過下 , 又唔洗等好耐既餐廳。牛頭角 泰國菜 - lemon grass咖哩軟殼蟹 - 甜而不辣 - 相當有份量 - 配多士馬拉盞通菜 - 咸鮮味相當足 - 送飯一流燒羊架 - 外脆但內不夠軟 - 有點可惜飲品 : 青檸梳打- 清爽解膩 及椰汁冰 軟綿滑喉總分 : 6 /10btw 見到Youtube有人介紹過有特別o既方法去R到特別o既優惠

叫左三個set lunch 加兩碟小食，set lunch較好味，墨魚餅同鳳爪很普通，所以下次黎食會叫晒Set lunch😗 每人食左$69，下午觀塘區來說中位價啦。🙂

見今日Happy Friday就中午同朋友去食呢間餐廳。朋友仲特登過黎食飯。本人叫咗個冬陰公雞絲扎肉粉，食食下有隻手指尾頭咁大嘅甲甴係湯麵内，佢地見到只係即刻拎走，令到我極之反胃，好想嘔，到最後仲好意思要我地比錢，我唔告你去食環署你都偷笑。本人十分生氣！破壞咗我美好嘅星期五事少，我有屙有嘔嘅話一定告。之前曾經有同事食完呢間野都話又屙又嘔，我而家知道點解了！如果大家唔想食到昆蟲，勸告大家唔好去！！！！