BnR

營業中

休息中

今日去咗九龍灣Megabox一樓嘅BnR 湯飯店食晚飯。入去見樓面都幾大幾多位，坐低都幾舒服。雞湯系佢哋嘅招牌湯底，佢寫用大量上等雞隻和食材以文武火候相互交替烹調多個小時而成。所以我就試咗個藥膳雞湯麵 -配淮山麵，入口濃稠，不油不腻，雞味濃郁，口感順滑，仲明顯有藥材味雞嘅份量都幾多另外再叫咗個牛魔皇飯（牛筋牛腱），牛筋煮到腍晒，牛腱都幾爽口。再叫多咗杯青提梳打飲，跟餐平少少，有幾粒提子喺裏面另外仲點咗冷拌四小碟：裡面有豆腐皮蛋，麻辣腩片，泡椒雞翼尖，海哲手撕雞四樣嘢，份量都唔少，豆腐皮蛋個蛋黃夠晒鮮味，麻辣腩片夠辣夠麻，泡椒雞翼尖個辣味後勁過足癮，海哲手撕雞夠晒惹味。呢餐咁多野夾埋先至3百幾蚊埋單，過足口腹之欲。