Ciclo

營業中

休息中

今日專程嚟到銅鑼灣同朋友慶祝生日，訂咗枱，係一間樓上舖，諗住坐得舒服，可以慢慢食吓嘢、傾吓偈。第一次嚟到呢間餐廳，發現裝修好特別，座位寬敞舒適，而且服務員招待得非常周到。我哋叫咗幾道菜式，第一味係吞拿魚他他，配合牛油果醬，同埋新鮮嘅炸米餅，配搭好新鮮，牛油果醬混合吞拿魚他他，配合得好好，帶出吞拿魚嘅鮮味，再連埋炸米餅一齊食，揸埋餅脆卜卜，好香口，呢個食法又有另一個層次嘅感受。主菜香煎牛坑腩，配合山楂醬，味道清新又開胃，牛柳好鮮嫩，充滿肉汁，而且廚師幫你切成一片片，方便食用。仲有炸飯團，飯團加咗芝士，炸到脆卜卜，上面鋪咗海膽，伴碟係魚子醬，食材非常優質，用料上乘，而且好新鮮。飲品揀咗一杯，sake sour, 係喺清酒入面加入檸檬汁同埋菠蘿汁，甜甜酸酸，好易入口，完全唔覺得有酒精味。整體覺得餐廳非常優質，下次一定會再嚟。