舒房 (已結業)

難得要過香港島做野,順便揾下有無特色cafe享受下下午茶。search到呢間"舒房",見個名幾特別,便即管去試下。Menu 選擇不多,以簡餐, cake同咖啡為主。打量ㄧ陣都係選擇我最愛劰All Day Breakfast, 咖啡今次則揀左Latte。All Day Breakfast 先黎,食材配搭色彩繽紛,賣相已值90分,其中黑松露炒蛋夠香滑,麵包焗得香脆, 整體味道不錯,唯獨價錢$120 比較貴ㄧ點。Latte的奶泡打得幾厚,飲到最後拉花亦可保持完整。不過咖啡味道很淡,而且味道偏酸,所以有點失望。值得推介係環境非常舒服, 户外位置雖然對住馬路但行經的車不多,適合獨自看書或三兩知已談天。