粗店燒烤

營業中

休息中

最近旺角新開咗間串燒店，鋪面裝修以木系為主調，簡約風格，每張枱上有個烤爐，保持食物溫度，上面掛上米袋，帶點小可愛，食物方面十分多元化而且價錢亦算合理，經過可以一試😄食肉獸當然要叫肉肉！羊肉串唔乾，帶點騷味、牛肉串肉質軟腍，咬落juicy、雞中翼幾嫩、幾推介腸仔，大大條，香脆可口，明知唔健康但都係會忍唔住一啖接一啖😎 個人更喜歡呢度嘅海鮮，多春魚十分脆身、珍寶蟹柳好大條、烤魷魚原條上，完全唔乾，好有驚喜！小食類整體性價比高，饅頭塗上滿滿煉奶，外皮炸至脆身，內裡軟熟、椒鹽魷魚鬚份量唔少，酥脆可口，食落唔油、粗涼麵配上蔬菜絲同蒜蓉等混合而成，麵條軟硬度適中，夏天食好解暑、雙重芝士拌一丁就更加邪惡，芝士控表示滿足🧀️蔬菜類有好多選擇，要咗韭菜、菠蘿、土豆片、翠玉瓜、娃娃菜、一口甜薯、粟米、鮮冬菇同豆角，全部都有蒜蓉、椒鹽粉等調味，惹味無窮，夜晚要返去擦多幾次牙🤣 另外亦有錫紙系列，娃娃菜同金針菇都唔錯，推薦豆腐，入口滑溜，營養豐富💪🏻