BON CHAT CHAT 閑寮

營業中

休息中

今日約咗friend係荔枝角睇戲，諗住附近食d嘢先再去。跟住開openrice見到呢度，就比個竹林吸引咗過黎。一黎到就見到有條竹林小路，即刻有種好寧靜好舒服既感覺。真係好適合打卡。裡面唔算大，有兩個榻榻米打卡位，可惜冇預約，就冇得坐入去打卡。聽店員講，遲d會開放埋戶外位，應該會好chill。我order咗一份卡邦尼意粉，個賣相幾靚，好吸引好香。食落都唔錯，我鍾意個汁好creamy既感覺，個芝士味都好出。嘢飲我order咗matcha latte, 個拉花好可愛！係隻狗狗🐶 即刻加分。飲落唔會太甜，都冇粉味，幾好飲。整體黎講唔錯既，環境滿分，坐得舒服，食物中上，出餐時間都唔會好耐（可能因為我係平日黎），好適合黎打卡或者hea下時間。好有世外桃源既感覺，好寧靜好舒適。下次會想試下book榻榻米，或者等戶外開咗會再黎試下。