90s Lazy (已結業)

同朋友都唔想食澱粉質，於是去咗荃灣千色匯入邊嘅90s Lazy咖啡店度食。餐廳裝修帶點西式及日式嘅咖啡店感覺，座位舒適。我哋點咗一個以下菜式：白酒煮青口（$78）：一客有六隻青口。菜式用左牛油，洋蔥同菇菌一齊烹調，好惹味。青口亦都有鮮味。美國安格斯肉眼扒（$288）：牛味香濃。唔靭易切開。伴菜有炸過嘅翠玉瓜，紅蘿蔔同埋薯仔，味道都唔錯呢個扒餐係dinner set，包咗一個忌廉湯（質感濃稠，味道唔錯）同非特色飲品（如要選特色飲品，可以半價價錢加配）。我以半價嘅價錢加配咗一杯Cappuccino（拉花好靚呀！打卡一流）。另外我哋再加咗$20加配咗個沙律（沙律新鮮爽脆，車厘茄皮薄多汁）。同朋友一路食一路慢慢傾，感覺輕鬆寫意。