小桃咖啡室 (已結業)

餐廳內有間十人左右既私人房，枱好大，開party 既朋友可以考慮，不過要預先訂房啊！房內有遊戲機可玩，仲有支唱歌神器添不過唱時可能會影響出面食客，哈哈。有一個櫃係裝board games 既，都幾多款下，有啲我地未玩過。介紹下食物先我地將卡邦尼轉左做餐，所以會有蒜蓉包同通粉沙律做前菜。長通粉撈吞拿魚同粟米，凍食，三者份量配合得剛好。蒜蓉包好脆。個人唔係甘鐘意生菜做沙律，所以呢個幾岩胃口。卡邦尼意粉份量ok，意粉軟硬剛好，汁較濃同痴，雜菌好香，幾好食！all day breakfast 有蘑菇炒蛋、腸、蒜蓉包、沙律、茄汁豆同粟米粒。一個人食晒呢個都絕對夠飽！喜歡吃蘑菇炒蛋！蘑菇好香，咬落去仲有少少汁。個蛋唔係全熟，濕濕地，食落好嫩滑！紫色維羅納（提子梳打）面頭係cream 同雲尼拿雪糕。蝴蝶夫人，士多啤梨味。原來係facebook 會有野送，可惜最後先見到，唯有下次啦！