樂啡 (已搬遷) 新店位置

食飽飽想飲杯咖啡，朋友話見到佢屋企附近新開咗間，想去試下環境好舒服，好文青，地方好闊落。不過套HIFI 開得好大聲，所以我哋決定坐向街嘅高凳朋友叫咗Affogato ，個espresso 好飲但係佢無問清楚，以為係雲尼娜雪糕，同預期唔同，個雪糕牛奶味，唔係好甜，仲有D淡。最後佢分開嚟食個梳乎厘西多有驚喜，軟綿綿，又無油膩感，送咖啡剛剛好。我就叫咗杯海鹽髒髒，係凍奶加espresso，咖啡濃度就會有層次，加上杯邊有一圈海鹽，飲落會多一點清新。如果飲唔到太濃，咖啡師話可以攪勻嚟飲。 不過因為係凍奶，飲起嚟覺得唔熱唔凍，好奇怪，有少少唔慣。下次再嚟試下正餐，有All day breakfast 同意粉。最後一題就係可能係村屋，所以有蚊囉，屋主要考慮一下安裝滅蚊燈。