影片
更多
2019-10-21
88 瀏覽
餐廳喺觀塘工業區入面，好處就係地方夠大唔怕擠迫。呢度仲有室外座位，感覺更free。 包場一班人gathering又幾正喎【Vanilla Coffee】咖啡香濃，不過雲呢拿味就淡咗啲。【Melon Calpis Squash】蜜瓜可爾必思特飲，乳酸喺個底度，要攪勻飲，口感軟滑蜜瓜味濃。【沙律 - 巴馬火腿哈蜜瓜沙律】巴馬火腿嫩滑，配鮮甜哈密瓜粒同清涼嘅青瓜粒，加上新鮮沙律菜，多重味道又清新開胃。【頭盤 - 日式磯煮飽魚】日本醬油煮嘅磯煮鮑魚，輕微嘅鹹香帶出鮑魚嘅鮮甜，仲有少少香蔥提味。下面有爽口蘿蔔，營養豐富。【是日餐湯 - 西蘭花忌廉湯】真材實料，飲落去啖啖西蘭花蓉，好有益。配埋溫熱又鬆軟嘅餐包，感覺好warm。【主菜 - 堡雲酥烤黑毛豬架配紅酒燴梨$ 298】堡雲酥即係面頭加咗麵包糠嘅煮法，使外皮更香脆。黑毛豬架勁厚身，肉色粉嫩又juicy，好高質。另外配嘅紅酒燴梨，紅酒味都幾濃，梨又甘甜，好夾。【主菜 - 火山石燒澳洲M6和牛三角腰扒伴意大利鮮香芹醬$328】用上澳洲M6和牛，取三角腰部份，肥瘦適中，又有油脂甘甜又有濃郁肉味。加少少清新感可以蘸意大利鮮香芹醬，另外又配香蒜油，少少
【Vanilla Coffee】咖啡香濃，不過雲呢拿味就淡咗啲。
【Melon Calpis Squash】蜜瓜可爾必思特飲，乳酸喺個底度，要攪勻飲，口感軟滑蜜瓜味濃。
【沙律 - 巴馬火腿哈蜜瓜沙律】巴馬火腿嫩滑，配鮮甜哈密瓜粒同清涼嘅青瓜粒，加上新鮮沙律菜，多重味道又清新開胃。
【頭盤 - 日式磯煮飽魚】日本醬油煮嘅磯煮鮑魚，輕微嘅鹹香帶出鮑魚嘅鮮甜，仲有少少香蔥提味。下面有爽口蘿蔔，營養豐富。
【是日餐湯 - 西蘭花忌廉湯】真材實料，飲落去啖啖西蘭花蓉，好有益。配埋溫熱又鬆軟嘅餐包，感覺好warm。
【主菜 - 堡雲酥烤黑毛豬架配紅酒燴梨$ 298】堡雲酥即係面頭加咗麵包糠嘅煮法，使外皮更香脆。黑毛豬架勁厚身，肉色粉嫩又juicy，好高質。另外配嘅紅酒燴梨，紅酒味都幾濃，梨又甘甜，好夾。
【主菜 - 火山石燒澳洲M6和牛三角腰扒伴意大利鮮香芹醬$328】用上澳洲M6和牛，取三角腰部份，肥瘦適中，又有油脂甘甜又有濃郁肉味。加少少清新感可以蘸意大利鮮香芹醬，另外又配香蒜油，少少辣味刺激味蕾，幾特別。
兩款主菜都配南瓜露荀等蔬菜，唔係配薯蓉薯條，更有益有營養。
高質晚餐梗要以高質甜品作結。【心太軟】做到流心效果，暖暖又濃濃嘅朱古力漿，配椰子味雪糕，正。
【焦糖燉蛋】食完滿口蛋香，但甜而不膩。
兩個甜品都相當不錯，好滿足。餐廳做緊幾個優惠： 星期一、三主菜買一送一； 面書Like 同 Share飲品買一送一 等等…… 更加吸引！
張貼
