無敵家

營業中

休息中

一個人閒逛，來到了上環，搵到位好耐冇見的朋友仔，行行吓就來到“無敵家” ，朋友食過話好適合傾偈，環境比較寧靜，食嘢嘅人都比較斯文，唔會大聲喧嘩，今日我鍾意呢個環境，唔好以為我係咁靜的人，睇心情而定，有時都會鐘意熱熱鬧鬧的氣氛㗎。“叉燒拉麺”和“溫泉蛋牛肉湯烏冬”係主食，好清甜的湯底，拉麵嗰碗有2件大大的日式叉燒，跟埋啲配菜粟米，海帶絲好啱味，而鳥冬的溫泉蛋好合格，牛肉又多，好滿意。主食之外，仲嗌咗D炸物，小食，“清酒忌廉煮藍青口”係不嬲都鍾意的食物，有啖啖清酒的香氣非常之好；“生蠔煙肉卷”一串有2隻，叫咗2串食得開懷；“串燒日本年糕”，年糕有層紫菜包住來燒唔會痴住吃得開心；“多春魚”亦係冇得輸的食物；以上各樣都係即燒做，“吉列忌廉蟹肉薯蓉餅 ”亦無例外，裡邊的蟹肉薯蓉呈流心狀好吸引，但要小心食吖，唔好辣親個嘴就唔好啦；“厚炸豆腐”靚靚仔仔方方正正 ，豆腐超吸嫩滑，配埋D蘿蔔絲蓉汁點來食，唔怕有熱氣。