鳥棲日本料理 (已結業)

今日又去開觀塘，又去發掘下工業區嘅美食，行行吓駱駝漆大廈見到呢間鳥棲好似坐得幾舒服咁，咁岩又有啲想食日本嘢，於是就入去試吓啦！我哋啱啱六點到，冇乜人靜靜好舒服😌又有梳化坐，環境舒適👍🏻見到有廚師推介，諗住係正嘢就叫下。壽喜牛肉鍋 $128味道同出面大型連鎖店嘅壽喜鍋冇乜分別，不過幾足料，牛肉都可以，幾有牛味。然後又叫咗啲嘢自己燒，個燒爐賣相幾好👍🏻胡麻汁牛肩胛 $72睇得出師傅刀工好，切得好薄，不過燒嘅時候就比較難燒，痴底。雖然如此，肉質都幾鬆軟，幾好食。七味塩豬頸肉 $68豬頸肉燒起嚟好香，建議燒耐啲，可以令到啲變脆脆地，食落去肉質煙韌有口感。一口煎餃子 $52呢個幾抵食，有六隻餃子。外皮先得脆卜卜，入邊嘅豬肉職業得夠入味，食落去外脆內軟層次豐富，間中肉汁流出，增加餃子鮮味！總括嚟講抵唔抵食就見仁見智，不過環境幾舒適，適合情侶嚟撐枱腳打下卡。