名都 (已結業)

呢間酒樓開左咁耐都未幫襯過，見今日天氣好，行下海濱過去食晚飯。見有孖寶優惠就揀左松子魚同椒鹽魷魚，松子魚炸得好香脆配酸汁好開胃，椒鹽魷魚就比較細碟，不過都係新鮮炸熱辣辣好香口。用優惠價加咗個肥牛粉絲煲，呢個送飯一流，所以我叫左個鮑汁炒飯，其實個飯淨食都好好食好夠味。仲有叫左個小食九肚魚，又係細細碟得幾條，不過都好食，係新鮮即炸既。仲有叫埋西檸雞，酸度剛剛好，好開胃，d雞炸脆左吸哂d汁好正。不過最後係敗在個西米露，其實加蘆薈都有d九唔搭八，不過其他又唔岩食就試一試啦，第一啖我無乜味既？？？25蚊喎大佬，有需要溝咁多水嗎？？又細碗喎。總結，食物係好食，上菜速度快，新鮮熱辣，價錢就中上，間唔中食一餐半餐啦。職員有禮貌，主動勤力。係衰係碗糖水度