FAMA (已結業)

平日晚餐時間唔使等位，入門左手邊點餐右邊自助水吧，點完餐後搵位坐定定等無線牌響機就攞得。呢度岩晒一家大細，三兩個傾下計睇下書玩夾公仔都唔錯。我叫左原隻軟殼蟹炸魚漢堡配薯條，10吋巴馬火腿pizza，粉紅西柚梳打。炸魚漢堡仲長過我手掌，入面有白醬同生菜平衡返炸魚既油膩，原隻軟殼蟹非常香口，薯條都唔錯唔會硬掘掘。而pizza採用薄脆底，就算得2個人share 食都唔驚會濟住濟住。粉紅西柚梳打唔止樣靚，飲落酸酸地好開胃。總括今餐幾好唔錯，之後會再去試埋其他菜式，而環境舒適加左唔少分，因為工廈關係地方大唔使坐到迫一迫。