影片
更多
2023-11-07
89 瀏覽
🔸Makuma🔸🔆今次又翻黎荔枝角，食一間開左幾個月嘅西日餐廳。一入去氣氛好舒服，明明唔係星期五食，但我同朋友都以為係星期五，好想一直吹水吹落去。🤣🔆酥脆准山條。明太子。美乃滋 $78可能食慣左薯條，我個人唔係好接受到炸准山條，一入口個下准山味唔算好重，食落好爽口，咬咬下准山嘅滑潺潺口感會出左黎。但真係我個人唔係好接受到准山，所以要點好多明太子美乃滋先handle到😗。但！中意准山嘅朋友仔，可以一試呀!🔆日式玉子燒。明太子。美乃滋 $78依個好好食！玉子係甜玉子，佢面頭有一層薄薄嘅焦糖，玉子口感嫩滑唔會又乾又鞋。食落好似食緊焦糖嫩蛋嘅味。再加埋又再次出場嘅明太子美乃滋，令玉子唔會一味得個甜字，帶番出少少明太子的咸香。🔆角切油甘魚醬油漬。三文魚子椰菜花米丼 $128油甘魚份量好多，漬油甘魚自身已帶有微微醬油味，油甘魚自身甘香新鮮，加埋三文魚子每粒魚油嘅魚油鹹味，好適合配埋無咩味道嘅椰菜花米，好食！而且椰菜花米真係好適合我依啲口講要減肥但又好想出去食飯嘅人🥹。🔆蝶豆花芒果乳酪梳打 $48上枱個陣係好靚咁分開左2層色，啱哂大家打卡。飲落芒果味唔係太濃，乳酪味強烈好多。🔆士多啤梨檸檬梳打 $4
🔆今次又翻黎荔枝角，食一間開左幾個月嘅西日餐廳。一入去氣氛好舒服，明明唔係星期五食，但我同朋友都以為係星期五，好想一直吹水吹落去。🤣
🔆酥脆准山條。明太子。美乃滋 $78
可能食慣左薯條，我個人唔係好接受到炸准山條，一入口個下准山味唔算好重，食落好爽口，咬咬下准山嘅滑潺潺口感會出左黎。但真係我個人唔係好接受到准山，所以要點好多明太子美乃滋先handle到😗。但！中意准山嘅朋友仔，可以一試呀!
🔆日式玉子燒。明太子。美乃滋 $78
依個好好食！玉子係甜玉子，佢面頭有一層薄薄嘅焦糖，玉子口感嫩滑唔會又乾又鞋。食落好似食緊焦糖嫩蛋嘅味。再加埋又再次出場嘅明太子美乃滋，令玉子唔會一味得個甜字，帶番出少少明太子的咸香。
🔆角切油甘魚醬油漬。三文魚子椰菜花米丼 $128
油甘魚份量好多，漬油甘魚自身已帶有微微醬油味，油甘魚自身甘香新鮮，加埋三文魚子每粒魚油嘅魚油鹹味，好適合配埋無咩味道嘅椰菜花米，好食！而且椰菜花米真係好適合我依啲口講要減肥但又好想出去食飯嘅人🥹。
🔆蝶豆花芒果乳酪梳打 $48
上枱個陣係好靚咁分開左2層色，啱哂大家打卡。飲落芒果味唔係太濃，乳酪味強烈好多。
🔆士多啤梨檸檬梳打 $48
士多啤梨同檸檬味道都各有千秋，飲落酸酸甜甜，重點係佢超多士多啤梨粒粒，可以一路飲一路食到好多士多啤梨。
🔆抹茶窩夫‧麻糬‧紅豆‧黑糖醬 $128
上到枱就見到依張大棉胎麻糬係啲窩夫面頭，仲非常煙韌。窩夫一共有4塊，烘到外脆內軟，唔會有奇怪發粉味。一入口嘅抹茶味唔係好濃，但咬多2啖就會食得出。而個麻糬，其實就同有麻糬係入面嘅窩夫一樣無太大分別，不過佢舖係面就有個Gimmick咁。窩夫底仲有小小黑糖醬比你點住食，整體都好好食，仲好啱大家打卡，keke~
🔆整體食物唔錯，亦坐得幾舒服，不過唔知係唔係咁啱我地係坐係個喇叭前面，覺得有小小嘈，而且音樂仲愈夜愈大聲，搞到我地後來都唔係好傾到計lu....😂
🔆Pleasure指數（滿分5粒🤩）
🐭小姐：🤩🤩🤩🤩
📌地址：荔枝角長義街9號D2 Place ONE 地下G03號舖
張貼
