樂園 (已搬遷) 新店位置

小朋友提早放春節假期，大饞友就約赴樂園。餐廳雖然位處超方便嘅iSquare 對面，可能始終座落於商業大廈內所以唔算顯眼。内進見書櫃上放滿不同紙版遊戲，見末齊人落咗飲品 order 就玩住 Uno 等，又玩又食真係幾過瘾。Uno 期間見鄰桌情侶情人節套餐鵝肝、帶子、三文魚、安格斯牛肉樣樣有，十分吸睛；見人哋食得好不溫馨一於湊熱鬧order 份。上枱大大份、兩隻大蝦切成心形擺放裝飾見心思，難得仲味味都炮製得好好食，真係睇得又食得。另有兩個主菜，泰式燒春雞，燒雞原隻上香噴噴，燒雞架底碟載著香噴噴雞油，春雞size肉嫩多汁，味道小小辣好惹味。至於個醬燒豬仔骨一樣冇得彈，入口就即刻食得出真焗足時間但又唔覺佢乾身，口感唔係淋滋滋即係先烚後焗煮法，醬料入味唔太鹹；兩個主菜都配以沙律菜薯條夠晒飽肚。特式飲料都好味。 食至一半，發現餐廳有兩隻貓貓瞓咗响客人座椅上安逸非常，咭 game 嘻哈再加上豐富晚餐令用饍體驗有少少估唔到自己响尖沙嘴。