鱷魚泰國餐廳 (已結業)

是日晚上又同＃墨婆婆去九龍城食泰國菜，上次係＃鱷魚泰國餐廳仲有好多菜色未試，咁就一於黎再試下其他！！先黎一個＃椰汁雞湯，咪睇佢細細碗，都足夠２～４人份量架啦！有雞有蝦，非常足料，香濃椰汁味，口感順滑，酸酸地非常開胃！跟住就係＃生蝦刺身同＃燒豬頸肉沙律，蝦肉爽甜，一定要連埋醬汁同配料一口食，提升口感層次！豬頸肉口感鬆軟，用生菜包住一齊再沾下底部既汁一啖食落去，又辣又香魚露味，＃墨婆婆唔食莞茜俾哂我食，正！主菜就係＃香芒蟹肉炒飯同＃蛋網金邊粉，無諗過芒果可以溝埋炒飯，但係食落又出奇地夾。有睇開＃墨嚐既食評都知我鍾意食＃金邊粉，呢間好食過我之前寫個間，而且俾足足４粒蝦，就算４個人食都分到１人１粒，抵食！