影片
更多
2024-09-07
1012 瀏覽
觀塘一日到黑都好多人，好多時間都要排隊，最近太熱唔想係外面排隊，就選左間係商場入面既泰菜，諗住坐得舒服D。門面唔大但原來入面好大，佢係L 形佈局所以睇唔到。甘我地都比較肚餓，就叫左個晚巿二人餐，睇黎都幾多野食，份量都唔細！首先有個小食拼盤，每樣小食都配唔同既醬汁，個沙嗲醬做得好好，配串燒一流。春卷炸到脆身，入面係蝦肉都幾正，隻汁就係似泰式辣醬甘，幾開胃。米紙卷就不過不失，無話好好食，串燒幾惹味，肉質仲係滑既！唔錯！冬陰公湯酸辣味重，仲有好大隻蝦仁，好開胃，依個讚！炒雜菜黎講個配搭都幾特別，係蓮藕，秋葵，木耳，粟米筍，豆角等等，味道唔錯有少少鍋氣，而蓮藕炒到爽脆，係幾好食既，夠曬清淡健康！海鮮咖哩隻汁係似咖哩蟹甘用蛋汁收芡，味道係甜咖哩，配搭上唔同既海鮮，都真係唔錯。就甘輕輕一數都有5種海鮮，青口，蟹肉，魚片，蝦，魷魚等等，依個菜可以撈飯吃，幾下飯👍蒜香骨就略嫌失色，雖然好大舊但係肉質比較硬，骨位比想像中多，肉既話得幾舊。蒜味亦未有好特出，面頭既炸蒜份量本人覺得唔太夠，未食完碟菜下面既肉已經無曬蒜味。整體黎講加一大約500蚊既話有d 貴，可以一試，如果再試既話可以試炒野，隔離既炒飯聞到好
門面唔大但原來入面好大，佢係L 形佈局所以睇唔到。甘我地都比較肚餓，就叫左個晚巿二人餐，睇黎都幾多野食，份量都唔細！
首先有個小食拼盤，每樣小食都配唔同既醬汁，個沙嗲醬做得好好，配串燒一流。春卷炸到脆身，入面係蝦肉都幾正，隻汁就係似泰式辣醬甘，幾開胃。米紙卷就不過不失，無話好好食，串燒幾惹味，肉質仲係滑既！唔錯！
冬陰公湯酸辣味重，仲有好大隻蝦仁，好開胃，依個讚！
炒雜菜黎講個配搭都幾特別，係蓮藕，秋葵，木耳，粟米筍，豆角等等，味道唔錯有少少鍋氣，而蓮藕炒到爽脆，係幾好食既，夠曬清淡健康！
海鮮咖哩隻汁係似咖哩蟹甘用蛋汁收芡，味道係甜咖哩，配搭上唔同既海鮮，都真係唔錯。就甘輕輕一數都有5種海鮮，青口，蟹肉，魚片，蝦，魷魚等等，依個菜可以撈飯吃，幾下飯👍
蒜香骨就略嫌失色，雖然好大舊但係肉質比較硬，骨位比想像中多，肉既話得幾舊。蒜味亦未有好特出，面頭既炸蒜份量本人覺得唔太夠，未食完碟菜下面既肉已經無曬蒜味。
整體黎講加一大約500蚊既話有d 貴，可以一試，如果再試既話可以試炒野，隔離既炒飯聞到好香應該唔錯。
張貼
