叁淥火鍋 (已結業)

打邊爐想坐得舒舒服服，今晚就來到朗屏站附近一間火鍋店，大大張卡位，地方好寬敞，仲有包房耍樂，啱曬大半朋友聚會。想清清地就揀咗芫茜皮蛋豆腐湯底，豆腐同芫茜分量十足。韓國🇰🇷濟州黑毛豬五花腩🐷，肥瘦均勻，夾埋蔬菜一齊吃感覺更加健康。即炸紫菜響鈴，可以即食或沾湯，上碟熱辣辣，好酥脆，除咗豆香仲有淡淡紫菜味。手包餃子拼盤🥟分別有白菜🥬、韭菜同紫菜餃，皮夠薄，餡料充足，味道唔錯。黃金南瓜條🎃係餐前小食，雖然好邪惡，不過鹹蛋黃味道真係好正！串串蝦🦐好新鮮，肉質彈牙，夠鮮甜。