Pancake 專門紗織 (已結業)

呢日同朋友專程黎食紫薯紗織。師傅將紫薯用佢地特製既機器整到一條條紫薯絲包圍住班戟同埋忌廉同蛋白餅。最後仲用士多啤梨做點綴。將紗織切開一半可以清楚見到班戟同忌廉/蛋白餅。班戟可能因為用米粉，食落鬆軟；忌廉甜度適中；蛋白餅少少甜少少脆。而班戟，忌廉同蛋白餅嘅唔同口感，就令到食落口好有層次。紫薯絲食落口感柔滑，有番薯既味道。我同朋友Share食，份量剛剛好。呢度嘅裝修好有日本feel，非常舒適。服務員態度好好，非常體貼同留意客人既需要。呢間餐廳值得推薦。