V Court (已結業)

一個人收工難得想靜靜地咁食下飯，呢度環境又大又舒服，絕對係返工人士嘅福地座位闊落，靠牆位置既位置仲有得USB叉電，為個人叉電嘅同時仲可以幫手機充電，正仲有吧枱望景，背後仲有天藍色霓虹燈，走型格路線嘢飲非常多選擇，仲有Bless果汁飲，岩曬想飲果汁又想健康減肥嘅女士們！餐牌選擇亦不少，有沙律有西餐有漢堡餐同意粉餐，多樣性的選擇唔怕楝唔落手！重要可以用自助形式黎落單，方便又快捷，中午時間唔洗同人逼，快靚正！調味料可以自己攞，美極、辣椒醬、芝士粉⋯⋯樣樣齊法式香草烤雞$88大大隻嘅燒雞配上大大份嘅薯蓉，另外仲有香濃蕃茄湯、雞肉串，再加配左2隻雞翼，分量十足烤雞仲有配上燒烤汁，剛好熟嘅雞胸非常嫩滑多汁，一切落去爆曬雞汁，薯蓉味道較淡，有口感，沾上燒烤汁更惹味雞髀仲大大隻，外面燒到金黃色，賣相吸引蕃茄濃湯質地黏稠濃郁，飲落甜甜地幾特別！雞翼燒得香又脆身，肉質嫩，正成個餐食完真係飽到上喉嚨，一人餐真係非常大份，重點係坐得舒服同安靜，又有得叉電，不錯！