Macaroni Dessert Bar (已結業)

由於咁啱要約好耐無見的朋友食飯,而朋友又剛剛住喺紅磡, 於是喺openrice搵一間可以坐耐小小可以傾耐d的西餐廳,於是就約咗朋友去呢一間macaroni dessert bar西餐廳,呢間餐廳係位於紅磡但係亦都非常近何文田地鐵站,基於呢個咁優越的位置,我地就擇了呢間餐廳。一出何文田地鐵站,落天橋就見到。 由於一早訂咗枱,去到店員就可以好快可以安排入座,呢間餐廳不但裝修新穎而且座位闊落,menu係用一個tablet去睇,睇完之後就叫店員落單。由於我哋今次見面都係想傾嘢為主,首先我哋點咗甜菜前菜炸洋蔥圈。 賣相一流我哋主菜就叫咗個三文魚,同埋一個安格斯肉眼。肉眼叫了七成熟,上檯時啱啱好,而且份量亦有體頭,仲配有磨菇汁。配菜仲有西蘭花同炸薯仔粒焗油柚子三文魚扒柚子的甜香加上焗得剛剛好的三文魚扒,非常美味,三文魚又夠晒入味。總括嚟講,餐廳嘅地點,環境及食物質素都唔錯,下次會再嚟過。